Unha mostra recolle como o cine condiciona a nosa forma de ver a realidade

Mentres o banlieu parisino se producían numerosas revoltas pola morte de dous inmigrantes que se refuxiaban nunha subestación eléctrica, outro barrio da cidade acollía un cásting para unha peza de Beckett. Este feito ilustra “Rien du tout” unha das cinco pezas coas que o artista alemán Clemens Von Wedemeyer (Göttingen, Alemaña, 1974) reflexiona sobre como o cine (a treatralidade, os límites entre a realidade e a ficción...) condicionou a nosa forma de ver a realidade. Unha mostra na que os vídeos (os “making of”) ocupan un lugar fundamental e que se inaugura hoxe no Centro Galego de Arte Contemporánea.