Destacados expertos en toponimia e en cartografía de todo o Estado reflexionarán na Facultade de Filoloxía da USC sobre as relacións entre estas dúas disciplinas. Son especialistas en xeografía, historia, dialectoloxía e historia da lingua que nos seus traballos tiran rendemento da representación cartográfica dos nomes de lugar. O simposio acollerá tamén presentacións e reflexións sobre o estado de desenvolvemento proxectos cartográficos e toponímicos en curso e está organizado polo Instituto da Lingua Galega en colaboración co Consello da Cultura Galega.
