A Aula de Teatro do Campus de Lugo foi a encargada de abrir onte a IV Mostra de Teatro Universitario que se celebra neste campus. Logo de pasar por Lugo e Compostela, grupos teatrais galegos e un sudamericano amosarán o seu bo facer na escea. Será ata o día dezaseis no auditorio de Caixanova e na sala Sete Mares da Cidade Olívica.
Inicio
A Aula de Teatro do Campus de Lugo abriu onte a IV Mostra de Teatro Universitario de Vigo organizado polo Vicerrectorado de Extensión Universitaria. A obra que se representou no Auditorio Caixanova foi "Europa" de David Greig. Hoxe ás oito e media tomará o relevo o grupo Maricastaña de Ourense que porá en escea ás oito e media da tarde "Farenheit 451" de Ray Bradbury adaptada por Fernando Dacosta, que xa pasou, coma a anterior, por outros festivais universtarios coma o de Compostela.
A seguinte función será ás once da noite na sala Sete Mares a cargo do grupo compostelán Caelac, que representará "Hedera" unha versión de "Romeo y Julieta".
Máis
Para mañá será o grupo coruñés Hac Luce quen representará "Vida e obra de Tantonen", de Enrique Ballesté. Na sesión nocturna, ás once e media da noite, actuará o grupo mexicano La Vuelta, da Universidade de Querétaro coa obra "La loca Miramar", baseada na novela "Sin noticias del Impreior" de Fernando del Paso. A mostra clausurarase o día dezaseis coa representación de "Roberto Zucco" por parte do grupo vigués Teatro Espido.
