Esta fin de semana abría en Vigo a Galería Metro (Rúa López de Neira, 3). Unha entidade dirixida por Patricia Ballesteros co obxectivo de promover a arte galega. De feito, a mostra Referentes I pretende ser unha síntese da súa filosofía ao presentar obras de Luis Caruncho, Anton Lamazares, Manolo Moldes, Morquecho, Antonio Mourado ou Antón Pulido, entre outros. Este espazo é unha mostra máis do proxecto galerístico que a Fundación Feima abriu hai un ano en Santiago (Rúa Nova, 24) e ao que pretende incorporar sumar dúas máis en Madrid e Xixón. Javier Blanco, director da rede de Galerías Metro, asegura que “o obxectivo é dar a coñecer a arte galega”.
