A galería METRO busca con “For Sale” incentivar a venda da arte

É unha exposición que pretende exhibir o bo momento que vive a creación galega actual. Pero o propio título da exposición da galería METRO (Rúa Nova, 24), For sale, da conta de que é algo máis. De feito, as obras que a componen contan con prezos especiais pola renovación de fondos e que pretende incentivar o consumo de arte como investimento. Luis Caruncho, Manuel Moldes, Xurxo Alonso, Lomarti, Javier Cabo son algún dos artistas que participan nesta exposición ata o vindeiro 12 de setembro.