Despois de dúas semanas abrindo boca con varias exposicións (fotografía e cartelería) e obradoiros formativos, chega o momento do espectáculo. O apartado máis vistoso do Festival Galego de Cabaré arrinca hoxe e estenderase ata o domingo en catro espazos: no Fórum Metropolitano; en diferentes bares e cafés cos Cafés Cantantes; na rúa co Cabarédeambulante e no Rosalía de Castro. O festival chega á Coruña na súa terceira edición coa intención de recuperar este xénero a medio camiño entre o musical e o espectáculo de variedades.
