Retrato nova 13028
24 horas 10 minutos é o título da mostra que o Museo de Arte Contemporánea de Castela e León (MUSAC) lle dedica a partir do vindeiro 27 de setembro ao creador galego Salvador Cidrás. A exposición está composta por unha serie de obras realizadas ex profeso para a ocasión que o autor amosa coma unha grande instalación arredor da idea da mocidade, prestando unha especial atención ao universo masculino adolescente. Canda á mostra, o MUSAC editará unha publicación cos deseños e os modelos empregados para a instalación mural. A exposición permanecerá aberta ata o vindeiro 11 de xaneiro na sede do Museo, en León.
