Lugo acolle un Congreso Internacional sobre Cidades Patrimonio da Humanidade

Desde hoxe e ata o vindeiro mércores o Círculo de Belas Artes de Lugo acolle o Congreso Internacional sobre a Xestión Turística dos Monumentos e das Cidades Patrimonio da Humanidade. Este evento, coordindado polo Instituto Universitario de Estudos e Desenvolvemento de Galicia da USC co apoio do Xacobeo, conta coa presenza de especialistas chegados de cidades coma Florencia, Kioto, Riga, Belén ou Angkor entre outros, que amosarán as iniciativas turísticas de cada unha destas urbes. O evento fai parte do Congreso Extraordinario da Liga de Cidades Históricas do Mundo.