Nos últimos anos foi un dos depósitos arqueolóxicos que achegou máis descubertas á nosa historia. O castro do monte Facho, no Hío ( Cangas), e o santuario que se conserva nel, deu xa á luz 172 aras dedicadas ao deus Berobreo, unha cantidade única a nivel estatal. José Suárez, arqueólogo responsable desta investigación, explícanos polo miúdo a importancia destes restos, que abranguen desde o século IX antes da nosa era ata o IV despois de Cristo. Segundo Suárez, a transición entre o paganismo e o cristianismo que se detecta no santuario pode darnos novas pintas “sobre a propia formación da identidade galega” .
