Coñeceu en carne propia a emigración, a II República, o galeguismo, a represión e o exilio. Antón Alonso Ríos (Silleda, 1887-1980) foi un idealista loitador a prol do labrego e da importancia da educación. Por ese motivo foi un dos represaliados ao estoupar a Guerra Civil e, ao non poder exiliarse, optou por disfrazarse de mendigo e menciñeiro (baixo o nome do “Señor Afranio”) co que vagou polos montes de Forcarei ata que se puido exiliar. Este sábado, a comisión que leva o seu nome e a Consellaría de Cultura inician os actos cunha homenaxe, un roteiro, unha exposición e un sitio web.
