Á falta de que chegue o informe que o concello de Vigo encargou para potenciar as redes museísticas da cidade, as diferenzas entre os dous socios de goberno (socialistas e nacionalistas) céntranse nos usos para o antigo Reitorado. Os nacionalistas optan por instalar alí unha pinacoteca que acolla os fondos do Pazo de Castrelos da arte galega e o leigado de Policarpo Sanz; mentres, os socialistas opta por convertelo en sede de asociacións, xa que existe unha ampla demanda deste tipo. A finais de setembro, cando se prevé que se coñeza o contido do informe encargado, o grupo nacionalista pronunciarase sobre o uso do antigo edificio universitario, o último en recuperarse para usos culturais na cidade de Vigo, logo de desbloquearse a construción do auditorio.
