Naceu en Viveiro en 1902 aínda que Maruja Mallo sempre dicía que fóra en 1909. Por ese motivo, será no 2009 cando se celebre o centenario do seu nacemento. Daquela, segundo publica hoxe La Voz de Galicia, existirá na súa localidade natal un centro de interpretación dedicado a investigar e a analizar a súa obra. O centro estárá financiado polo Ministerio de Cultura que tamén contribuirá a expor nesta localidade as obras da artista que están no Museo Reina Sofía. Ademais, o ministerio tamén se implicará economicamente nas dúas primeiras edicións da Bienal Maruja Mallo que promove o alcalde do concello, Melchor Roel.
