Miguel Ángel González, delegado de patrimonio do Bispado de Ourense e director da revista Dovela ten claras cales son as principais ameazas para os nosos bens culturais. Con vistas a llo explicar aos feligreses, o último número da súa publicación presenta as sete pragas do patrimonio. Segundo este sacerdote, os roubos, o gamberrismo, o chapucismo, os accidentes e descoidos, os efectos dos xilófagos e das pombas, a indiferenza e, finalmente, o despoboamento e a pobreza son os grandes males. González xa leva anos desenvolvendo diferentes iniciativas desde o seu posto para protexer este tipo de bens.
