Cen pezas de época retratan os tempos da fundación do burgo da Coruña por parte do rei de León na mostra Pro utilitate regni mei. Alfonso IX e a súa época. A mostra abre hoxe no Quiosco Alfonso da cidade herculina coa inauguración a cargo dos Reis de España e finalizará o 7 de setembro. Pro utilitate regni mei está dividida en catro grandes áreas nas que se explica o relevante papel do monarca no proceso de creación de cidades e centros universitarios como Salamanca, así como as súas relacións coa cultura da época e o proceso de reconstrución do reino tralas invasións normandas. A mostra está comisariada por Fernando Alsina, catedrático de Historia Medieval da USC.
