Os escritores de Galeusca asinan un manifesto a prol das linguas minoritarias

Os membros da Federación de Asociacións de Escritores Galeusca, que agrupa autores galegos, vascos e cataláns, fixeron público un manifesto polo que anuncian a súa intención de seguir traballando nas súas respectivas linguas e defenden a riqueza da diversidade lingüística estatal. Ao tempo, denuncian a exclusión que para eles supón o Manifesto pola lingua común, que recentemente denunciaba a suposta marxinación do castelán en comunidades con linguas cooficiais.