Juan Manuel Urgoiti, presidente do Banco Gallego e antigo presidente do padroado Museo Raíña Sofía será o coordinador da nova fundación da Cidade da Cultura. Urgoiti explicou a súa confianza en que o complexo "é moi sinxelo de vender". Entre os seu plans está conseguir que o Centro de Arte "sexa universal sen centrarse en escolas nin en lugares" e en "achegar puntos de vista doutras institucións" ao proxecto. Será en setembro, na primeira xuntanza do padroado da Cidade da Cultura, xa coa participación de empresas galegas, que se faga oficial o seu nomeamento.
