Dolmen reeditará Gorka, de Carlos Portela, Fernando Iglesias e Sergi Sanjulián

Trátase dunha das series máis coñecidas dos anos noventa. A serie de fantasía Gorka, con guión de Carlos Portela e debuxos de Fernando Iglesias e do catalán Sergi Sanjulián verá a luz de novo nun tomo único da man da editora Dolmen. O volume incluirá a totalidade do material que publicou no seu día Planeta de Agostini canda a outros contidos extras.