O primeiro aniversario da morte de Uxío Novoneyra está a celebrarse con múltiples actos conmemorativos. Despois da homenaxe tributada onte polo Concello de Lugo foi o primeiro en lembrar a figura dun dos poetas máis destacados da literatura galega.
Homenaxe en Lugo
O Concello de Lugo celebrou onte o poeta cun acto no cemiterio de San Froilán da capital da provincia, onde repousan os restos de Novoneyra. Durante o acto varios rapaces recitaron poemas en memoria do homenaxado, e Lois Diéguez, en representación da Asociación de Escritores en Lingua Galega subliñou a importancia universal do poeta.
Homenaxe no Courel
Pola súa banda, a Asociación de Escritores realizará a súa propia homenaxe, en Folgoso do Courel, concello natal de Novoneyra. A celebración comezará ó mediodía coa inauguración dun monumento dedicado á memoria do defunto. Ademais, plantarase un carnabudo, árbore predilecto do poeta. Posteriormente, Elba Rei, viúva de Novoneyra, recibirá no colexio público de Seoane o máximo galardón da AELG, o E de escritor. Para rematar, inaugurarase a rúa Uxío Novoneyra en Seoane, e realizarase un xantar de confraternidade.
