Cultura editará unha BD sobre Uxío Novoneyra e outra sobre Torrente Ballester

Un lector coetáneo de Uxío Novoneyra descobre a obra do homenaxeado no vindeiro Día das Letras. Esta é a premisa da que parte Uxio novoneyra: a voz herdada, un álbum con guión de Kike Benlloch e debuxos de David Rubín que publicará a Consellaría de Cultura para conmemorar esta data. Ademais, a Consellaría tamén dará á luz unha versión en banda deseñada da obra Fragmentos del apocalipsis de Gonzalo Torrente Ballester, dentro dos actos de celebración do centenario deste autor. O titular do departamento, Roberto Varela, adiantaba onte no Parlamento este proxecto ademais de lembrar a súas políticas de apoio á novena arte e insistir en que a banda deseñada galega estará representada no vindeiro Saló del Còmic de Barcelona.