A Feira do Libro de Vigo fecha cun incremento de vendas

Nos últimos anos multiplícanse as voces a advertir da crise no modelo das feiras do libro. Unha presenza de cada vez menos librarías e un supostos descenso de vendas mantiña aberto un amplo debate sobre este circuíto. No entanto, este ano as cifras apuntan un incremento destacado de vendas, malia a que cada vez hai menos librarías que participan en cada unha destas citas. O último caso foi o de Vigo, onde o novo presidente dos libreiros galegos, Xurxo Patiño, cifrou en 25.000 o número de visitantes e nun 20% o incremento das vendas a respecto do pasado ano. As cifras coinciden en boa medida coas que se obtiveron esta temporada en citas coma a de Ourense ou a de Lugo.