As últimas feiras do libro están a rexistrar un incremento nas vendas, e na de Lugo triplicáronse as cifras a respecto do pasado ano. Segundo a Federación de Libreiros, esta situación dáse, de xeito paradoxal, nun momento de crise económica, e está en relación coas campañas de promoción de best sellers. A vindeira cita comeza mañá mesmo en Ourense. Achegámoste, da man do Observatorio da Cultura Galega, a evolución na venda de libro en Galicia durante os últimos anos.
