A Aula de Teatro Universitaria de Ourense participa na xira de homenaxe a Lorca

As pegadas da Barraca é o nome da xira coa que a Aula de Teatro Universitaria de Ourense Maricastaña percorrerá 14 localidades do Estado canda a outras tres compañías. A iniciativa, que parte da Sociedade Estatal de Conmemoracións Culturais quere homenaxear a compañía itinerante A Barraca, coa que Federico García Lorca tentou achegarlle o teatro ao pobo. Os ourensáns representarán a obra A equipaxe, que está baseada nun dos Episodios nacionais de Benito Pérez Galdós.