Os eventos de recente creación marcan a axenda estival na música independente

Chega a época dos festivais. Por todos os recantos dos país, case a diario e especialmente nas fins de semana hai algunha oportunidade de gozar de música en directo. Hip-hop, folk, pop, rock... E díficil facer a elección. Para nos orientar un pouco no maremagnum de festivais e concertos, preguntámoslle a algúns dos máis recoñecidos críticos musicais do país, que nos elaboran cadansúa carta na que atopamos moitas propostas que foxen do máis habitual. Noel Feáns achéganos as citas que ten marcadas no calendario.

Noel Feáns é responsable do netlabel A Regueira e da revista Sonotone. Na súa axenda tira polos eventos asociados fundamentalmente ao estilo indie. “O malo de moitos festivais é que gastan moitos cartos en traer grupos de fóra e poñen os de aquí a última hora. Eu apoio os que se preocupan polos nosos grupos”, explica Feáns. “Falo de festivais máis específicos en canto estilo, e son os que máis me atraen. Na súa aposta, varios festivais que contan con poucas edicións enriba e que se dedican a este estilo no que pode ser unha tendencia crecente.

Artenativa, Valga: “É un festival que comezou o ano pasado e dedícase excluvisametne a grupos galegos, máis ben do sector indie”. Nadadora, Projecto Mourente, The Blows, Fanny e Aleixandre, Austria ou Niño e Pistola conforman un cartel “prometedor”.
Será os días 8 e 9 de agosto en Valga.
Web do evento

Lolapop, Ponte Caldelas: “Tamén naceu o ano pasado, e nesta edición vai ter bastante representación galega”. Manos de Topo, Jugoplástika, Niños mutantes ou Delorean son algunhas das propostas que chegan a este evento.
Serán o 29 de agosto en Pontecaldelas, Pontevedra.
Web do evento


Cultura Quente, Caldas: “Hai moitísimas citas gratuítas e indispensables coma esta”. Deluxe, Vetusta Morla, Café Tacyba e Alex Gopher son parte do aspecto musical desta cita que abrangue tamén artes, espectáculos e diferentes eventos.
Será os días 11 e 12 de xullo en Caldas de Reis.
Web do evento

Dolorock, Meis “É outro festival que comezou o ano pasado”. Catpeople, Vetusta Morla ou The Blows son os primeiros confirmados nun cartel que promete medrar.
Será o vindeiro 23 de agosto en Mosteiro, Meis.
Web do evento

Galicia Escoita, Ourense, Caldas, Noia, Pontevedra, Viveiro, Allariz, Compostela: A marca que agrupa seis festivais galegos (FAX, Cultura Quente, Mar de Fondo, VibraSons, Son e Arte e Reperkusión) e que acolleu tamén os concertos do Día da Música supón unha oferta variada e completa para o verán galego. “Hai cousas interesantes e van moitos grupos. Aínda que ao mellor abren de mais o abano, é fácil atopar algún conxunto que che interese”.
Web do evento