A Estrada, Teo e Vilalba son os concellos que deixaron máis sociedades na emigración

Nada menos que dezaoito son as sociedades que os naturais dos concellos da Estrada, de Teo e de Vilalba fundaron na súa migración a diferentes países. Segundo os datos que achega a mostra, Nós mesmos. Asociacionismo galego na emigración, do Consello da Cultura Galega, outros concellos coma Ortigueira, con 15, Guitiriz e Ames con 11 e outros coma Ponteareas, Xermade, Palas de Rei ou Antas de Ulla, con 10, seguen na lista dos máis fecundos neste ámbito.