Unha parte significativa do noso patrimonio cultural atópase fóra do país ou ben, garda unha relación directa coa emigración. Por ese motivo, os tres grupos parlamentarios aprobaron, tras oito anos de traballo, un documento que pretende trazar as liñas polas que se rexerá a Xunta para gardar e conservar o patrimonio cultural. A comisión non permanente para o estudo da situación dos emigrantes galegos, insta á Xunta a catalogar e inventariar os bens que se sitúan fóra, intensificar os traballos de investigación e a regular dun xeito máis acaído a singularidade deste patrimonio.
