No 2007 Galicia gañou 10.567 habitantes, a maior parte deles procedentes da inmigración. Malia que Galicia experimentou unha subida poboacional no pasado ano dun 0.4%, a cifra é, xunto coa de Asturias, a máis baixa de todo o Estado español, que cifra a súa media de crecemento nun 1.9%. En Galicia, o número de estranxeiros xa acada o 3.4% da poboación total do país, unha cifra tamén moi inferior á media española (un 11.3%). Deste xeito, a poboación galega acada a cifra de 2.783.100 habitantes.
