Ecléctica Ensemble presenta o seu primeiro disco no CGAC

A terraza do Centro Galego de Arte Contemporánea, en Compostela, acolle este sábado a festa de presentación do primeiro disco de Ecléctica Ensemble. Performances, proxeccións, literatura e música en directo combinaranse na posta de longo desta primeira gravación da formación de Ugia Pedreira, Ramom Pinheiro, Richard Rivera e Davide Salvado. O disco estará dispoñible para a libre descarga no web do grupo.