O Ministerio de Cultura financiará a dotación dos espazos escénicos da Coruña

César Antonio Molina, ministro de Cultura, visita hoxe A Coruña, onde prevé asinar un convenio co concello. Segundo adiantan medios locais, o acordo centrarase nas artes escénicas, apoiando a dotación de espazos escénicos nos centros cívicos da cidade. Ao tempo, outro acordo coa Asociación de Amigos da Ópera achegará apoio ao festival lírico que se celebra na cidade. Estes acordos chegan pouco tempo despois da denuncia que o deputado nacionalista Francisco Jorquera fixo no Congreso sobre a diminución dos orzamentos que o Ministerio destina ás artes escénicas en Galicia.