Un total de 648.000 euros apoiarán iniciativas de divulgación científica

A Consellaría de Industria acaba de anunciar, no marco do programa Diverciencia,a convocatoria de subvención para actividades de divulgación científica por un valor de 648.000 euros. Cafés científicos, exposicións, feiras, visitas guiadas, obradoiros, excursións, ciclos de cine ou teatro, sempre con carácter de divulgación da ciencia son algunhas das actividades que se poderán acoller a estas axudas. As propostas poderán encadrarse tamén dentro da Semana da Ciencia, que se celebrará o vindeiro outono e que estará centrada nesta edición no Ano Internacional do Planeta Terra.