Retegal e a Universidade de Vigo desenvolverán un minisatélite

A Axencia Espacial Europea outorgoulle o desenvolvemento dun satélite de pequeno tamaño (ou picosatélite) tipo CubeSat a un consorcio con participación galega. A empresa pública Retegal, a Universidade de Vigo, o Instituto Nacional de Técnica Aeroespacial (INTA), dependente do Ministerio de Defensa, o Ministerio de Ciencia e Innovación e a Axencia Espacial Europea forman parte do proxecto, que estará dirixido pola Universidade de Vigo. A proposta non pretende ter desenvolvemento comercial, e quere servir para facilitar a capacitación das entidades participantes neste campo da tecnoloxía aeroespacial.