Visitas teatralizadas animarán a coñecer o museo de Castrelos

O grupo de teatro El roce de las alas será o responsable de transformar o Pazo Quiñones de León, en Castrelos, nunha auténtica casa do terror. O Marqués de Alcedo, unha médium ou mesmo Freddy Kruger acompañarán os visitantes nun percurso que lles permitirá coñecer a historia e os contidos deste museo vigués. O ciclo de visitas, denominado “Noites negras” comezará o vindeiro día 13 e desenvolverase ao longo dos vernes de todo o verán a partir das 23.45 da noite.