A obra “A cea” do grupo catalán Els Joglars é o prato forte da Mostra de Teatro Cómico e Festivo de Cangas (do 3 ao 12 de xullo). Un encontro que cumpre vinte e cinco anos e que segue fiel ao seu estilo programando teatro chegado de diferentes partes do mundo tanto en rúas como no auditorio. Iso si, para este anivesario a Mostra conta cun incremento importante do seu patrimonio, dos 80.000 euros que tiña en edicións anteriores a 125.000 neste caso. A pregoeira desta edición será Mela Casal.
