Murado, Beramendi e Borrazás, galardoados nos Premios da Crítica

A Fundación Premios da Crítica de Galicia outorgou este sábado en Mondariz-Balneario, durante a Cea das Letras, os Premios Anuais da Crítica. Desta volta, os trinta persoeiros de diferentes áreas da cultura que compoñen o xurado concederon o galardón ao escritor e xornalista Miguel Anxo Murado, ao historiador Xusto Beramendi, o escritor Xurxo Borrazás, á produtora discográfica Ouvirmos, ao pintor –recentemente falecido- Xaime Quessada e ao Arquivo do Antigo Reino de Galicia. O galardón especial como “galego egrexio”, o xurado outorgoullo á empresa de telecomunicacións R.