Varios poemas en galego e en castelán nunca publicados, traducións e outros textos de Álvarez Blázquez, algúns deles inéditos, conforman a publicación facsímil que presentaba onte a Universidade da Coruña. A obra recolle un dos cadernos de traballo do autor, escrito entre 1934 e 1938. Tamén o Cadernos Grial que saíu con ocasión do Día das Letras inclúe un texto inédito do homenaxeado, A mensaxe secreta dos nomes, na que fala dalgúns dos seus contemporáneos.
