Unha exposición, unha placa e varios actos conmemoran o ano Xosé María Álvarez Blázquez

Mañá comeza en Tui de xeito oficial o ano Xosé María Álvarez Blázquez, coa descuberta dunha placa conmemorativa na casa familiar do escritor. A celebración tivo onte en Vigo un anticipo, coa inauguración dunha exposición que recupera a voz, obra e testemuños do homenaxeado no Día das Letras Galegas. Pero hai máis actividades programadas para recuperar a figura e a personalidade de Xosé María Álvarez Blázquez neste 2008, como son mesas redondas, exposicións, xogos florais e mesmo un roteiro cultural.