O sector recibe con entusiasmo o Plan Galego das Artes Escénicas

Actores, directores, técnicos de escena, programadores e políticos encheron esta mañá o Salón Teatro na presentación do Plan Galego das Artes Escénicas. O documento recolle as liñas de traballo que desenvolverán diferentes áreas de goberno, desde Vicepresidencia á Consellaría de Cultura, ata o 2011. Trátase dun documento pioneiro en todo o Estado, que describe 83 liñas de actuación concretas agrupadas en cinco eixes, e que conta ademais cun compromiso orzamentario de case trece millóns de euros para este primeiro ano.