A olaría de Buño, Luz Casal e Roberto Verino levan medallas de Belas Artes

O Ministerio de Cultura facía público o pasado venres a lista de galardoados este ano coas Medallas de Ouro ao Mérito nas Belas Artes de 2007. Entre eles, atopamos unha representación galega composta pola cantante Luz Casal, o deseñador Roberto Verino e mais a Olaría de Buño, que levaron cadanseu galardón. O acto de entrega das distincións desenvolverase na Coruña ao longo deste mesmo ano.