Medrou o emprego no sector das tecnoloxías da información e comunicación nun 35,8%, desenvolvéronse no último ano 279 accións enmarcadas en 26 liñas de actuación e en xaneiro constituíuse o Clúster das TIC para competir nos mercados globais. Son os datos máis destacados do primeiro informe que avalía os resultados do Plan Estratéxico para o Desenvolvemento da Sociedade da Información. Unha análise presentada polo vicepresidente da Xunta, Anxo Quintana, e polo conselleiro de Innovación e Industria, Fernando Blanco, esta mañá, que coincidiron en que “Galicia avanza polo bo camiño”.
