Os concellos disporán de 400.000 euros para actividades culturais

A Consellaría de Cultura convoca hoxe as súas axudas para que os concellos desenvolvan actividades neste campo. En total son 400.000 euros que se destinarán, de xeito preferente, a propostas de animación á lectura, música e artes escénicas e mais recuperación de memoria histórica. As axudas terán un máximo de 30.000 euros por concello e poden solicitarse nos vindeiros trinta días.