"Estigma" é a montaxe que o IGAEM estrea este venres no Salón Teatro. Un espectáculo que aborda o xénero do suspense, moi infrecuente no eido teatral, onde os tres autores Jacobo Paz, Vanesa Sotelo e Rubén Ruibal, ofrecen unha visión pouco optimista sobre a natureza humana. A obra foi coordinada por Dani Salgado dentro do programa de dramaturxia residente que inauguraba o IGAEM con "A piragua" de Cándido Pazó. Tanto esta montaxe como o “Kiosko das almas perdidas” do Centro Coreográfico Galego, xunto con “A boa persoa de Sezuán”, da vindeira temporada do CDG, contarán con 300.000 euros da Fundación Caixa Galicia para a súa distribución nos diferentes escenarios.
Estigma do IGAEM.
