A oferta hotaleira de Galicia vaise completar nos vindeiros anos grazas a varias iniciativas de alto nivel. En primeiro lugar, o DOG convocou onte o concurso de ideas que pon en marcha o Parador de Muxía, o complexo anunciado no marco do Plan Galicia na catástrofe do Prestige. En segundo lugar, a Xunta iniciará este verán as obras de rehabilitación do mosteiro de Monfero para convertelo nun hotel de luxo que abrirá as súas portas para o 2012. Por último, o proxecto “Hórreos do Camiño” permitirá dotar o Camiño Francés de sete establecementos de catro estrelas que contarán con servizos de spa.
