Pretende ser unha versión ampliada do Fórum Metropolitano. Co nome de Ágora, o Concello da Coruña asinaba onte o proxecto da Ágora, un amplo espazo sociocultural que se situará en San Pedro de Visma. O complexo está previsto que se abra en 2011 e que conte con un auditorio de 549 prazas, aparcadoiro, salas de exposicións e de xuntanzas, biblioteca e outras instalacións que se agarda atendan a 750.000 usuarios anuais. O proxecto conta cun orzamento de 8,1 millóns de euros, dous máis do previsto inicialmente.
