Manuel Mandianes critica o exceso de museos etnográficos fronte á perda de poboación no rural

O centenario de Xaquín Lorenzo “Xocas” protagoniza o programa do congreso “O patrimonio no século XXI” que comezou onte en Ourense. Na xornada inaugural, o antropólogo Manuel Mandianes destacou que “neste momento hai mais museos etnográficos que nenos na provincia” e que malia a proxectos de recuperación deste tipo está a se perder aceleradamente o patrimonio inmaterial. O encontro continúa ata o vindeiro luns con novas conferencias, visitas a museos e obradoiros de regueifas e xogos populares.