O Patrimonio Inmaterial está de actualidade. O Centro de Cultura Popular Xaquín Lorenzo prepara, coa Universidade de Vigo e mais a Deputación de Ourense, o II congreso “O patrimonio no século XXI”. O evento, centrado no centenario do etnógrafo Xaquín Lorenzo “Xocas” celebrarase entre o 23 e o 28 de abril e inclúe, entre outras propostas, once conferencias, visitas didácticas e actuacións musicais. Ao tempo, desde “Ponte... nas ondas” adiantan que a XIV edición desta xornada de radio escolar será o vindeiro seis de xuño e levará o lema “Identidade e territorio”.
