A exportación do sector editorial subiu un 15% en 2007

A venda de libros galegos fóra das fronteiras estatais supuxo en 2007 2.388.000 euros, segundo os datos do Instituto de Comercio Exterior de España. A cifra supón un incremento do 15% a respecto do exercicio anterior, con Portugal (o 45% do total), Francia, Kenya, Angola, a República Dominicana ou Cuba como principais clientes. Precisamente onte arrincaba a Feira do Libro de Buenos Aires onde un posto da Asociación de Editores e mais da Consellaría de Cultura dará a coñecer a nosa produción editorial ata o vindeiro doce de maio.