O concello de Ferrol pretende remodelar o Torrente Ballester para adecualo á actividade cultural

Ferrol quere remodelar o Centro Torrente Ballester como edificio para actividade cultural, uso que xa tiña asignado desde 1988. Para iso, as concellarías de Cultura e de Obras acaban de presentar un anteproxeto que supera os 3.4 millóns de euros. O principal problema é que o concello só pode achegar unha partida económica para arranxar medidas urxentes e o proxecto está condicionado a conseguir a implicación económica doutras entidades.