O Anuario de Estadísticas Culturais 2006 que edita o Observatorio da Cultura Galega apunta que existen en Galicia máis de 24.000 persoas que se dedican á xestión cultural. Uns profesionais para os que a Consellaría de Cultura acaba de presentar “Vía Cultura”, un plan de formación divido en dous semestres. Diferentes expertos analizarán temas como “A acción cultural na xestión do territorio”, a necesidade de “Repensar o tecido asociativo”, o labor de “Comunicar en cultura”, os “Modelos de xestión de equipamentos culturais”, a “Innovación e creatividade aplicada á xestión cultural” así como visitas a espazos de referencia de Galicia, Portugal e España.
