Galicia e Portugal presentan catro proxectos á axudas europeas para territorios fronteirizos

A cultura e o deporte tradicional xunto co patrimonio arqueolóxico mais as fortalezas e estruturas defensivas da Eurorrexión son as materias nas que Galicia e o Norte de Portugal pretenden reforzar os seus lazos. Así o estableceron onte os responsables do goberno portugués e a conselleira de Cultura, Ánxela Bugallo, ao asinar catro convenios para presentar estes proxectos ás axudas europeas Interreg IV-A. Unhas subvencións que lles permitirán financiar o 75% dun investimento cuantificado en 6.28 millóns de euros.