Ourense lembra os artistas do bar “Volter” no día da República

O 14 de abril conmemórase a promulgación da República. Unha data na que a asociación de Amigos da República convocou un roteiro cultural para lembrar a lendaria xeración que se reunía no bar do Tucho, local que Vicente Risco rebautizou como “O Volter”. A homenaxe comezou no mesmo escenario no que un grupo de artistas plásticos conspiraban contra o franquismo, e transcorreu polas rúas do casco histórico ourensán nunha comparsa á que se uniron os grupos integrantes da Mostra Internacional de Teatro Universitario de Ourense (Miteu), que se celebra estes días na cidade.