Cada ano, o executivo galego destina unha media de dous millóns e medio de euros a promover o uso do galego dos medios de comunicación. Dúas liñas de axudas (unha para potenciar o uso de galego e outra para a publicacións integramente en galego) que están a ter resultados moi “discretos e insatisfactorios”, asumiu Fernando salgado, secretario xeral de Comunicación da Xunta en resposta a unha pregunta da deputada nacionalista, Modesta Riobó, na Comisión Institucional do Parlamento.
